O Plan Xeral de Ordenación Municipal de Gondomar centrará a primeiro programa-debate que levará por título "Que horas honestas". Espazo que nace este venres ás 22 horas nas instalacións do Café Rañolas na rúa Otero Pedrayo Nº3. No mesmo verterán as súas opinións Jimena Varela (EU), Manuela Rodríguez (BNG), Francisco Ferreira (PSOE), Antonio Araúxo (Grupo Municipal Nacionalista), Alberto Covelo (Comunidade de Montes de Vincios) e Xosé Antón Araúxo (Comunidade de Montes de Couso). O moderador do debate será Josué Villar, politólogo e coordinador local de Esquerda Unida. Entrada libre.
"Que horas honestas" nace a partir dun equipo de colaboradores vinculados a Esquerda Unida de Gondomar, coa idea de levar a debate temas importantes da vida social e política da comunidade. VM.info conversou con Josué Villar quen salientou que a partir da súa estrea o espazo despréndese da agrupación e quedará aberto a todas as persoas que queiran contribuír ao seu desenvolvemento.
Cunha periodicidade en principio mensual, o proxecto pretende xerar un espazo presencial onde diversos actores da vida local debatan e á vez o público asistente poda participar coas súas opinións e preguntas. Os debates serán gravados e posteriormente aloxados na rede Youtube e un blog creado a tal fin polos organizadores. A futuro plantéxase a súa transmisión en directo por streaming.
