A Xunta convocou os Premios da Cultura Galega 2011 a través dunha orde da Consellería de Cultura que hoxe publica o Diario Oficial de Galicia (DOG), segundo informa a Xunta de Galicia nun comunicado. A Consellería distingue con estes galardóns o traballo creativo en Galicia e a súa expansión no exterior a través de sete modalidades: Letras, Artes Plásticas, Artes Escénicas, Iniciativas a favor do Patrimonio Cultural, Promoción Cultural, Música e Creación Audiovisual.
O Concello de Nigrán abre inscricións para cursos de Prevención de Riscos Laborais.
O Concello de Nigrán acaba de abrir o prazo de inscrición nos cursos incluídos dentro do Programa Actívache da Deputación de Pontevedra, no que se ofrece a mozos de entre 16 e 35 anos (ambos inclusive) a posibilidade de participar en accións formativas correspondentes a distintas disciplinas, que se desenvolverán no Centro Antena de Nigrán nos meses de setembro e outubro cunha duración de 30 horas cada unha, en horario de tarde.
Lecturas debuxadas, pecha a programación da tempada cunha obra Shaun Tan, gañador do premio Astrid Lindgren 2011
Este martes 21 de xuño celébrase a última sesión da tempada do club de banda deseñada Lecturas Debuxadas. A cita será na Biblioteca Municipal de Gondomar a partir das 20.00 horas. Nesta ocasión a lectura que centrará a sesión é Emigrantes (Barbara Fiore Editora) do autor e ilustrador australiano Shaun Tan, recoñecido este ano co prestixioso Premio Astrid Lindgren 2011.
A programación do club Lecturas Debuxadas retomarase no mes de outubro.
Comezan as actividades do Encontro de Fotografía Dixital Domingo Pío Quintas Núñez 2011 en Gondomar.
A concellería de Cultura do Concello de Gondomar puxo en marcha a segunda edición do Encontro de Fotografía Dixital Domingo Pío Quintas Núñez 2011. A inauguración do proxecto foi o pasado venres ás 20.30 h. no Instituto de Estudos Miñoranos (IEM) coa exposición "Paseando" do fotógrafo invitado Brunheira. Este foi o comezo dunha serie de inauguracións que se prolongarán durante toda esta semana. En total son seis exposicións distribuídas en diferentes espazos de Gondomar.
Entrega de Premios aos gañadores do Certame Literario Diego Sarmiento de Acuña.
O vindeiro luns ás 10 de mañá no auditorio municipal Lois Tobío terá lugar a entrega de premios aos gañadores da 8ª edición do Certame Literario Diego Sarmiento de Acuña, organizado pola Concellería de Educación do Concello de Gondomar e que conta coa colaboración do Instituto de Estudos Miñoranos. Trátase dun concurso de poesía e narración de ámbito miñorán dirixido aos escolares de primaria, ESO e bacharelato desta bisbarra. O certame que foi recuperado logo de truncarse a súa celebración en 2009, pretende contribuír a potenciar a creatividade literaria da mocidade, en lingua galega.
Un día máis os traballadores das panaderías Las Mercedes estiveron esperando aos inspectores de Traballo.
Os 25 traballadores en conflito das panaderías Las Mercedes, otro día máis, non recibiron as esperadas visitas dos inspectores do Ministerio de Traballo. Os traballadores manteñen estritamente o cumprimento do seu horario de traballo, aínda que teñen que facelo permanecendo ó carón das portas de ingreso ás panaderías, porque a patronal as pechou sen despedirlos nin dar a baixa da empresa. Unha delegación sindical personouse na mañá deste venres nas oficinas ministeriais a consultar os por ques da demora. A resposta oficial é que "os inspectores teñen dende o xoves as carpetas para facer os informes".
Mobilización no Morrazo en defensa da súa ecoloxía e contra a instalación dun parque eólico.
Este sábado 18 de xuño a Plataforma en Defensa dos Montes do Morrazo organiza un roteiro para dar a coñecer a zona afectada polo proxecto de parque eólico que a multinacional italiana Enel Green Power España, pretende construír no Morrazo.
Surfing Day a cargo dos Patos Surf Club coincidindo co Día Internacional do Surf
O Patos Surf Club celebra unha xornada de portas abertas de surf na praia de Patos.
O club de surf ofrecerá un bautismo pola mañá e aluguer gratuíto de material de surf e bodyboard pola tarde.
BRUNHEIRA inaugura a súa exposición fotográfica en Gondomar.
Hoxe ás 20:30 na Aula de Cultura Ponte de Rosas (Avda. da Feira 10, baixo, Gondomar) inaugurárase a exposición "PASEANDO" do fotógrafo BRUNHEIRA. A exposición permanecerá aberta ata o 30 de xullo e está enmarcada dentro dos 2º Encontros de Fotografía Dixital DOMINGO PÍO QUINTAS NÚÑEZ 2011 organizado pola Concellería de Cultura de Gondomar.
JPAGE_CURRENT_OF_TOTAL
