A cabeza de lista por Pontevedra do BNG, Olaia Fernández Davila presentará aos veciños da bisbarra o programa electoral dos nacionalistas o vindeiro domingo 6 de novembro en Nigrán. Na ocasión estará acompañada por Xabier Toba Girón, (primeiro suplente) e polo actual portavoz e concelleiro do Bloque en Nigrán, Xabier Rodríguez Fernández. O mitin terá lugar nas instalacións do Hotel Miramar, en Praia Lourido (América).
Fernández Davila explicará o programa electoral do nacionalismo o que se presenta baixo o lema "A alternativa que te defende". Un proxecto que nace da “necesidade de cambiar o rumbo fronte a unhas políticas de dereitas que só son eficaces nos recortes, non na reactivación da economía”, segundo afirmara o portavoz nacional do BNG, Guillerme Vázquez, esta mañá nun almorzo informativo organizado por “Forum Europa. Tribuna Galiza” no que pediu o voto para o BNG “para que Galiza teña máis forza en Madrid e para un auténtico cambio de esquerdas".
Neste sentido, o líder nacionalista afirmou que “é un mito que a dereita xestione mellor a economía. A política de dereita é a que arruína ás pemes porque deprime o consumo e dificulta o acceso ao crédito”.
Spot da campaña electoral do BNG
Dim lights Embed Embed this video on your site