O Xornal do Val Miñor. Baiona, Nigrán, Gondomar

Lixo espallado polas estradas e beirarrúas. Restos de botellas rotas e urina nos portais "e en cada esquinan inundan o centro de A Ramallosa e, aínda máis perigoso, o parque Infantil e o paseos a carón do Río Miñor", denuncia o edil socialista Juan González tralo paso da fin de semana.

Entende que os servizos de limpeza non son quen de deixar o Parque infantil de Ramallosa "sen restos dos botellóns e a miúdo conviven os cristais cos nenos e nenas que alí xogan"
"Este fin de semana de novo os veciños e veciñas de A Ramallosa tiveron que convivir ata media mañá co lixo nas súas rúas e portais sen que o goberno do Partido Popular faga nada por remedialo. As promesas electorais de Alberto Valverde e as continúas acusacións de responsabilidade absoluta ao anterior goberno Socialista chocan frontalmente coa realidade", sinala o edil.
Acusa ao alcalde Alberto Valverde de non ter cumprida a súa promesa electoral de rematar co botellón na Ramallosa, aínda levar tres anos no goberno.