O Xornal do Val Miñor. Baiona, Nigrán, Gondomar

• Anterior
• 1 of 2
• Seguinte

Tripadvisor, uns dos maiores portais turísticos do mundo, galardoou ao Hotel Arce de Sabarís adxudicándolle o lugar 25 entre os mellores complexos de España, na categoría "calidade - prezo". O anuncio tivo lugar durante a décima entrega dos premios Traveller's Choice Hotels 2012, celebrada na Feira Internacional de Turismo (Fitur) en Madrid. O hotel baionés, xestionado por unha familia, cumpriu este ano a súa oitava tempada.

A décima edición dos coñecidos como 'Óscars' do sector hostaleiro tivo lugar o pasado mércores 18, nas instalacións do Fitur. Nel foron recoñecidos 148 establecementos españois que foron premiados con 193 galardóns. Sete son galegos, cunha decena de premios: Porta de Gamboa da cidade de Vigo; Augusta Spa Resort de Sanxenxo; o Hotel Quinta de San Amaro en Meaño; A Quinta dá Auga, Altair e Costa Vella, todos de Santiago de Compostela, e o xa nomeado Hotel Arce no concello de Baiona.

Tripadvisor é a maior web de viaxes a nivel mundial con 50 millóns de visitantes ao mes e 20 millóns de usuarios rexistrados, informou a compañía nun comunicado.