O Xornal do Val Miñor. Baiona, Nigrán, Gondomar

O martes 11 de xaneiro, celébrase unha nova xuntanza do club de lectura Sete Vidas organizado pola asociación Espazo Lectura. Nesta ocasión, a novela escollida é Unha historia que non vou contar do autor Cid Cabido. Será na Biblioteca de Gondomar a partir das 20.00 horas. A partir das 21.00h o propio autor, Cid Cabido, achegarase para compartir as impresións dos lectores e lectoras sobre o libro.

Máis de cen nenos participarán na “Tercera Edición del Torneo Escolar de Tenis” de Gondomar que terá lugar mañá domingo a partir das 9 horas nas instalacións do IES Auga da Laxe (Gondomar) e no Pavillón de Deportes Municipal. As categorías incluídas no torneo son “prebenjamín”, “benjamín”,” alevín” e” infantil”.

O próximo luns 10 de xaneiro inaugúrarase a nova sala infantil de dinamización da Biblioteca de Gondomar, o Recanto do Contomar, que acollerá a partir de agora as sesións semanais de contacontos que organiza a Asociación Espazo Lectura. O elevado número de familias que participan cada semana nas sesións do Contomar e as limitacións de espazo que presenta a única sala da Biblioteca Municipal levaron a Espazo Lectura a solicitar ao Concello de Gondomar a necesidade de habilitar, como existe noutras moitas bibliotecas públicas, unha nova sala destinada ás actividades de dinamización dirixidas ao público infantil. A nova sala do Recanto do Contomar presenta un mobilario e unha distribución do espazo moito máis axeitados para a organización de actividades de dinamización e supón unha ampliación que é valorada moi satisfactoriamente tanto pola asociación Espazo lectura como pola concelleira delegada da Biblioteca Municipal, Teresa Pereira.

A editorial FAKTORÍA K presenta o libro “La vida nocturna de los árboles”, de Arumugam e seu equipo de impresores artesans en Chennai (India). O texto considerado como unha obra selecta, única e especiais, chega á península a través dun acordo coa editora Tara Books. O libro de Arumugam coñecido co alcume Míster A é presentado en España no marco do Ano Internacional dos Bosques e como gañador do Premio Novos Horizontes na Feira Internacional do Libro de Boloña en 2008.

A Comunidade de Montes en Man Común de Peitieiros ven de editar un volume de fotografías antigas da parroquia acompañadas de textos, titulado MEMORIA DE PEITIEIROS. O vindeiro sábado día 8 de xaneiro, ás 19h terá lugar a súa presentación no local do Centro Cultural Recreativo, no adro de Peitieiros.

O mércores 5 celebrarase a Cabalgata de Reis nas rúas Eduardo Iglesias e Elduayen. A festa dará comezo a partires das 17.00 horas coa actuación da Rondalla da Asociación Cultural A Merced de Chaín.

Despois de 2 anos sen que os máis cativos poideran desfrutar de tradicional cabalgata, o concello de Nigrán ultima os preparativos para recibir ás Súas Maxestades Reais.

A Festa dos Reis Magos de Nigrán comenzará os días 3 e 4 de xaneiro onde os carteiros reais visitarán as Asociacións de veciñais e Centros Culturais para recoller as cartas aos nenos e nenas.

The Pinga Teatro repetirá a súa representación da obra "O Bufón do Reino" este martes 4 de xaneiro, no auditorio Lois Tobío de Gondomar.

Os veciños e veciñas que non puideron desfrutar da representación teatral terán unha nova oportunidade para disfrutar da obra “O Bufón do Reino”, de The Pinga Teatro. A representación dará comezo ás 18.00 horas. Esta é a última representación teatral da programación de Nadal do Concello de Gondomar, que continuará o mércores coa Cabalgata de Reis e o xoves co tradicional certame de rondallas, que chega este ano a súa XXIX edición.

Escrita e dirixida por Miquel Condal e protagonizada por María Carrera, “o Bufón do Reino” conta a historia dun rei que perdeu a fala e a capacidade de rir. Unha bufona ofrecerase para axudalo, a cambio de case nada. O prezo da entrada é de 2.5 euros.