O conselleiro de Cultura e Turismo, Roberto Varela, presentou esta mañá xunto a Amancio Prada o concerto especial "Camelias para Cunqueiro", que o compositor e cantautor berciano ofrecerá o vindeiro venres día 10 de xuño no Salón Teatro de Santiago de Compostela. A actuación enmárcase na programación do Ano Cunqueiro, que conmemora o centenario do nacemento do escritor, e na celebración do Ano da Música. Na actuación Amancio Prada –voz e guitarra– estará acompañado por Hilary Fielding ao violonchelo e Josete Ordóñez á guitarra e mandola. Xuntos interpretarán poemas tan coñecidos como A dama que ía no branco cabalo, O cabaleiro da pruma na gorra, No sono do cuco novo ou Outono cedo de gaitas, entre outros títulos do rico poemario cunqueirano.
O Plenario da Real Academia Galega acordou dedicar o Día das Letras Galegas de 2012 a Valentín Paz Andrade (Lérez, Pontevedra, 1898 - Vigo, 1987).. Paz Andrade foi membro correspondente da Real Academia Galega desde 1964 e numerario desde 1978, cando deu lectura ao preceptivo discurso, que titulou A galecidade na obra de Guimarães Rosa, e que foi respondido en nome da institución por Álvaro Cunqueiro. A resolución foi adoptada na sesión ordinaria do venres 4 de xuño
A actividade, organizada pola asociación Espazo Lectura, será o martes 7 de xuño na Biblioteca de Gondomar
Dende hai tempo a Comunidade de Montes Veciñais en Man Común "San Xurxo" de Saiáns ven traballando en colaboración co Instituto de Estudos Miñoranos na realización de posta en valor do Castro do Alto da Medoña (Estea) e na recollida da toponimia da parroquia viguesa. Ambas iniciativas serán presentadas no acto público que dará comezo ás 11h. do sábado 4 de xuño no Parque Forestal de Saiáns. Posteriormente o arqueólogo do IEM, Xosé Lois Vilar Pedreira guiará un percorrido polos muíños, petróglifos e polo castro do Alto da Medoña, deténdose nos paneis explicativos que se colocaron.
{plusone}
Remata o ciclo de Tertulias 2010-11 do Instituto de Estudos Miñoranos co faladoiro do xornalista Xosé Manuel Pereiro Sánchez, o vindeiro venres 3 de xuño. Pereiro será presentado pola tamén xornalista Rita Alonso Pérez (TVE).
Co fin de fomentar entre os máis pequenos o hábito pola lectura, a biblioteca municipal de Baiona organizou a visita de medio centenar de nenos e nenas da escola infantil ás súas instalacións.
