A Concellería de Cultura do Concello de Gondomar, vén de publicar as bases que regulan a participación na segunda edición dos Encontros de Fotografía Dixital Domingo Pío Quintas Núñez. Os fotógrafos que desexen participar no certame, aberto tanto a profesionais como afeccionados, deberán presentar os seus traballos antes do 15 de xuño, último día de recepción de series. Poderán envialos por correo ao Departamento de Cultura, R/ Manuel Alonso s/n (Casa da Cultura), 36380 Gondomar, indicando no sobre “II Encontros de Fotografía Dixital Domingo Pío Quintas Núñez”. Os aspirantes tamén poden entregar os seus traballos en man, no mesmo departamento.
Memorias dun neno labrego centra o club de lectores Sete vidas na biblioteca de Gondomar.
Memorias dun neno labrego, de Xosé Neira Vilas, cumpre 50 anos tras a súa publicación na editorial Follas Novas de Bos Aires en 1961. Dende o momento da súa saída, o libro converteuse nun dos libros máis vendidos da literatura galega e aínda hoxe segue a emocionar. Por este motivo, Espazo Lectura propuxo a lectura de Memorias dun neno labrego no club de lectura Sete Vidas.
Os libros ocupan a taberna en Gondomar nunha maratón de lectura na xamonería Catro Camiños.
Con motivo da celebración do Día do Libro o pasado 23 de abril, e dentro da programación da Semana do Libro e a Lectura, a asociación Espazo Lectura, en colaboración co Concello de Gondomar) celebra este venres 29 de abril a cuarta edición do Dar de ler coma quen dá de beber, unha sesión de lecturas compartidas en voz alta na que unhas 30 persoas lerán fragmentos de obras escollidas por elas mesmas para compartir cos demais e recomendar. Con esta iniciativa preténdese celebrar a Semana Libro lendo.
Lecturas na taberna
O lema escollido é “Lecturas na taberna” e será a xamonería Catro Camiños de Gondomar a que acolla o acto. Con esta iniciativa preténdese reivindicar a presenza dos libros e a lectura en todos os espazos da vida e facer que formen parte da nosa actividade cotiá. O acto, aberto a quen queira achegarse ao longo da tarde, transcorrerá dende as 19.30 ata ás 22.00 horas.
Presentación do poemario As portas ausentes do artista baionés Caino.
"Has albiscar, amigo lector, ao rematar este limiar, a vibrante e aflixida voz do artista baionés Caíno Vasconcellos", así comeza a presentación que o poeta Anxo Ratel fai de As portas ausentes, o primeiro poemario de Caino. Ao longo de 127 páxinas, os versos e debuxos de Caino crean un universo onde a exquisita sensibilidade que o autor nos ten acostumados atopar na súa pintura, agora se amosa na obra poética.As portas ausentes, vaia presentarse o próximo xoves 28 de abril ás 20:30 horas na Capitanía Marítiama de Baiona (Elduayen, 20). O poemario está editado polo Instituto de Estudos Miñoranos dentro da súa colección Letras da Groba. No acto intervirán ademais do autor, o director do IEM, Carlos Méixome, e o poeta Anxo Ratel ademais de varios veciños e veciñas de Baiona que recitan textos do libro de Caino Vasconcellos.
Ábrese a licitación para a adxudicación de explotacións temporais para venda nas praias de Nigrán.
A obra de Xesús Valverde: unha recuperación necesaria.
Aínda que é coñecido o interese dos responsables da Aula de Cultura Ponte de Rosas en Gondomar, por recuperar a sobranceiros artistas doutras xeracións, a primeira sorpresa que ofrece esta exposición, dedicada a Xesús Valverde, é a fluidez coa que encaixa na liña, aberta, contemporánea e experimental, da sala.
Música, poesía e monicreques na celebración do Día do Libro en Nigrán.
Nigrán festexa o Día do Libro na Alameda da Ramallosa.
O 23 de abril de 1616 falecían Cervantes, Shakespeare e o Inca Garcilaso de la Vega. Tamén un 23 de abril naceron ou morreron outros escritores eminentes como Maurice Druon, K. Laxness, Vladimir Nabokov, Josep Pla ou Manuel Mejía Vallejo. Por este motivo, esta data tan simbólica para a literatura universal foi a escollida pola Conferencia Xeral da UNESCO para render unha homenaxe mundial ao libro e seus autores e alentar a todos e todas, en particular aos máis novos, a descubrir o pracer da lectura e respectar a irreemplazable contribución dos creadores ao progreso social e cultural. A idea de esta celebración partiu de Cataluña, dende este día é tradicional regalar unha rosa ao comprador dun libro.
Xeira polos muíños dos ríos de Couso.
A Comunidade de Montes de Couso xunto co equipo de Xeiras do Instituto de Estudos Miñoranos (IEM) organizan unha nova andaina polos muíños dos ríos da parroquia de Couso. O percorrido de 9,3 km ten unha duración de 3 horas e medias aproximadamente. O roteiro permitirá apreciar o cambio da flora e a paisaxe en xeral que trae a nova estación primaveral ao monte. A saída é o próximo domingo 24 de abril ás 17 horas. O punto do encontro será a Casa Veciñal de Couso.
JPAGE_CURRENT_OF_TOTAL